Skip to main content

Sa Araw ng Iyong Kasal



Sa araw ng iyong kasal…
Magsusuot ako ng itim
Ipagluluksa ko ang puso mong iba ang umangkin.

Sa araw ng iyong kasal…
Mag-aalay ako ng bulaklak na itim
Ipaparamdam ko ang dinulot mong sakit sa damdamin.

Sa araw ng iyong kasal…
Sisindihan ko ang itim na kandila
Iaalay sa ‘yo ang sumpang wala kang kawala.

Sa araw ng iyong kasal…
Ihahandog ko ang itim na dasal
At sisiguraduhin kong di kayo magtatagal.

Sa araw ng iyong kasal…
Mas pinili mong sa kanya sumama
Ngunit di ako papayag na ika’y agawin niya.

Kaya’t sa araw ng iyong kasal…
Ang tamang araw na aking pinili
At sa pagsapit ng gabi matatapos ang aking pighati.


_melaniequilla

Comments

Bianki said…
sa araw ng iyong kasal .. ibuburol ko ang babaeng papakasalan mo .. kaya ako naka all black > hahah !!
Melai said…
salamat criza :D

Bianki hahaha, magandang banat iyan. hehhe. thanks :)
Bianki said…
hihi .. alabs ko po ung blog mo kasi galing po ng mga stories poems at novels mo:)
Melai said…
salamat bianki :)
Anonymous said…
nice :)
EmzChristlover said…
Apir ate esme :) Sawing-sawi e :)
JM said…
Ganda ng tula... maayos ang pagkakasulat... saka ung emosyon na nakapaloob sa tula...

Galing ^_^

Habang tumatagal lalo kang gumagaling.... ^____^

Most Popular Posts

Kofi Cups and Sweets Series 2: Kissing Mr. King of Anything- Part 2

“Yes! Mahabaging langit, thank you!” bulalas ni Erika matapos niyang i-save ang ginagawang report. Alas-sais na ng umaga at wala pa siyang tulog. Pinagpuyatan niya ang reports na pinauwi sa kanya ni Cholo.
                “Anak, ang aga mo atang gumising, may himala?” bungad ng kanyang ama nang bumaba ito mula sa hagdan. Kagigising lang ng tatay niya.  Sa kusina kasi siya nag-work para hindi mamalayan ng kanyang ama na hindi siya natulog.
                “Anong maagang gumising? Hindi pa natutulog iyan,” sambit ni Nanay Cattie.
                Napapalatak ang kanyang ama. “Na naman? Aba umaabuso na iyang boss mo ah. Ilang araw ka ng ginagabi ng uwi, ginugutom ka na nga tapos may take home ka pang trabaho. Mag-resign ka na dyan, anak,” sambit nito sabay halik naman sa ulo niya pagkatapos ay hinalikan nito ang kanyang ina. Sweet indeed.  Kapag nakikita niya ang kanyang mga magulang na malambing sa isa’t isa, hindi niya maiwasang mag-wish na sana ay makatagpo rin siya ng true love kat…

Find Your Way To Me: After The Love Has Gone- Chapter One

“Kuya, para po!” agad na sambit ni Vel. Kung kelan naman kasi kailangan niyang magmadali eh saka naman hindi nakisama ang kotse niya. Napilitan tuloy siyang mag-jeep sa kabila ng marami niyang bitbit na tracing papers, blue prints at kung anu-ano pa. Pero ang siste, hindi siya narinig ni manong drayber kaya sumigaw na siya with feelings. “Kuya!!! Paraaaa!”
                Huminto ang jeep kasabay ng pagtingin sa kanya ng lahat ng kapwa pasahero. Eh ano? Kesa lumagpas pa ako ng mas malayo ano?  Deadma na sa reaksyon ng mga kapwa pasahero. Mala-donya siyang bumaba ng jeep sa tapat ng ZLCD Realty Corporation Building. Hindi siya pwedeng ma-late dahil iyon ang unang araw ng new boss nila sa opisina... at iyon din ang araw na malalaman niya kung may trabaho pa siya o magaalsa-balutan na siya at magsa-sayonara opisina.
                Naalala  na naman niya ang nangyari. Ang shungabels mo rin naman kasi talaga, Aveline! She had been working at ZLCD Realty Corporation for six years. Nagsimula…

Senang Hati Music Lounge 2: Fall or Nothing- Part 1

Agang-aga ay mainit ang ulo ni Dana. Ito na naman ang araw na kinabubwisitan niya. Iyong tipong agang-aga ang sasalubong sa kanya ay mga bonggang bagay na may kinalaman sa pag-ibig… katulad ng scenario sa harap niya ngayon. Ang pinsan niyang si Limien at ang asawa nitong business partner din niya na si Hamiel ay abala sa paglalambingan sa loob pa mismo ng opisina niya.  May-ari sila ng isang veterinary clinic kung saan siya at si Hamiel ang mga doctor na gumagamot sa mga hayop na may sakit. Kumpleto sa equipments ang clinic nila kaya marami silang suking clients. Nagtitinda din sila ng mga gamot, vitamins, pagkain, at lahat ng needs ng isang pet owner para maalagaan ang kanilang pets.
Aside from being part of the famous Karisma Band, Dana and the rest of the gang are doing the things they wanted to do as ordinary person. In her case, abala siya sa pagiging doctor ng mga hayop.           “Hamham ko, gusto mo ba ng kape? Pagtitimpla kita?” lambing ni Limien sa asawa.
                …